Proud to be a Muslim,Pakistani,News,Top Stories,Talk Shows,Best Columns,History of Pakistan,Patriotic Ism,Unity,Integrity of Pakistan.Samiullah Malik London,Javed Chaudhry, Talhat Hussain, Orya Maqbool Jaan,Harron ur Rashed,Urdu columns and articles are compiled from leading Urdu newspapers and magazines.Live News and Sports Channels Like Dunya News,Aaj News,Samaa News,CNN,Waqat News,FM100 Radio.

Monday, January 30, 2012

pakistani tv dramas vulgarity




فحش ڈرامے، نازیبا اشتہارات، الیکٹرانک میڈیا نے تہذیب کا جنازہ نکال دیا، الیکٹرانک میڈیا میں فحاشی و عریانی پر مبنی اشتہارات ، پروگرامات پاکستان کے اسلامی کلچر و تہذیب پر حملہ ہے ۔ ملک کی اسلامی و مشرقی اقدار کو پامال کیا جا رہا ہے ۔ عالمی استعمار الیکٹرانک میڈیا کے ذریعے گھر گھر میں فحاشی و عریانیت کو فروغ دے رہا ہے ۔ علماء و مذہبی جماعتیں فحاشی و عریانی کے اس سیلاب کے آگے بند باندھیں اور اپنا کردار 
ادا کریں ۔

دو قومی نظریہ، میڈیا اور ہم
دو قومی نظریہ کیا تھا میرے خیال میں سب ہی اس کے بارے میں جانتے ہوں گے اس لیے اس کی تفصیل میں جانےکی ضرورت نہیں ہے مختصر الفاظ میں دو قومی نظریہ کو کچھ ان الفاظ میں بیان کیا جا سکتا ہے :۔
"برصغیر میں دو قومیں ایک ہندو اور دوسری مسلمان آباد ہیں جن کی تہذیب و ثقافت اور رہن سہن قعطی ایک دوسرے سے مختلف ہے۔ جس کی وجہ سے یہ دونوں ایک جگہ اکٹھی نہیں رہ سکتیں"
اسی نظریہ کو بنیاد بنا کے پاکستان حاصل کیا گیا مگر پاکستان بننے کے بعد شاید ہم نے کبھی یہ سوچا ہی نہیں کہ ہم نے دو قومی نظریے کے ساتھ اب کیا کرنا ہے ، اس لیے ہم نے اس کو صرف درسی کتابوں کی زینت بنا دیا ،اگر پاکستان بننے کے بعد بھی اس کوعملی زندگی کا حصہ بنایا گیا ہوتا تو آج پاکستان میں ایک مسلمان یا پاکستانی قوم آباد ہوتی مگر صد افسوس کے ساتھ کہنا پڑتا ہے کہ بحثیت قوم مسلمانوں نے پاکستان تو حاصل کر لیا مگر پاکستان بننےکے بعد مسلمان بھی تقسیم ہوگئے کوئی دیو بندی ، کوئی بریلوی ، کوئی سنی ، کوئی وہابی ، کوئی اھل ِ تشیع اور کوئی اھلِ حدیث ہو گیا بات یہاں ہی ختم نہیں ہوئی بلکہ پاکستان میں پاکستانی بھی بہت کم ہی ہیں یہاں تو سندھی ، بلوچی ، پنجابی ، پٹھان ، مہاجر ، سرائیکی ، کوہستانی ، پوٹھواری اور پتا نہیں کون کون سی قومیں آباد ہیں ۔

دو قومی نظریے کی بنیاد تہذیب و تمدن اور رسم و رواج کا فرق تھا مگر آج اگر ہم اپنے اردگرد نظر دوڑائیں اور معاشرے کے رسم ورواج کا بغور مطالعہ کریں تو ہم پہ یہ تلخ حقیقت آشکار ہو گئی کہ ہمارے اکثر رسم و رواج تو ہندو تہذیب سے لیے گئے ہیں جن میں تھوڑی بہت کمی بیشی کرکے اور نام وغیرہ تبدیل کر کے بڑے فخر سے ہم منا رہے ہوتے ہیں مثال کے لیے کہیں زیادہ دور جانے کی ضرورت نہیں بلکہ اپنے گھر یا گلی ،محلے میں ہونے والی کسی خوشی یا غمی کے موقعہ پہ ہونے والے رسم و رواج کا بغور مطالعہ کر لیں اور جو تھوڑا بہت فرق ہے اس کو میڈیا والے اور کیبل والے مٹانے کے چکر میں لگے ہوئے ہیں ۔

بھارتی چینل جو کچھ دیکھا رہے اس پہ ہم اعتراض نہیں کر سکتے کیونکہ وہ تواپنا کلچرپیش کر رہے ہوتے ہیں مگر آج کل کسی بھی پاکستانی ٹی وی چینل(پی ٹی وی کے علاوہ ) کو دیکھ لیں کہ یہ کیسے انڈین کلچر ، گانے ، ڈرامے اور فلمیں بڑے فخر سے پیش کر رہے ہیں اور افسوس تو اس وقت اور زیادہ ہوتا ہےجب نیوز چینل پہ بھی بے ہودہ ڈانس اور سین چلاے جاتے ہیں اب تو یہی لگتا ہے کہ پاکستانی خبریں بھی شاید انڈین فنکاروں کی خبروں کے بغیر نہیں چلائی جا سکتی چاہے اس کے لیے ہفتہ دو ہفتہ پرانی خبر ہی کیوں نہ چلانی پڑے ۔



اب بات کریں اگر کیبل کی تو ہر کیبل آپریٹر پانچ چھ سی ڈی چینل تو ضرور چلارہا ہے اور اب تو باقاعدہ ان کے مونو گرام بھی لگا لیے ہیں مثال کے طور پہ ہمارے علاقہ میں جو کیبل آپریٹر ہیں ان کے دو چینل انڈین فلموں کے ، ایک انگلش فلم کا ، ایک فحاش گوسٹیج ڈراموں کا ، دو گانوں کے چینل ہیں یہ میں صرف سی ڈی چینل کی بات کر رہا ہوں ۔اس کے علاوہ سنا تھا( خبر پکی نہیں) کہ پمرا نے انڈین چینل پہ پابندی لگا دی ہے مگر وہ چینل چل رہے ہیں صر ف فرق یہ پڑا کے ان کے مونو گرام کے اوپر کیبل والوں نے اپنے مونو گرام لگا دیئے ہیں ۔

انڈین و پاکستانی میڈیا اور کیبل آپریٹرز مل کے دو قومی نظریے کا جنارہ نکالنے میں لگے ہوئے ہیں اس کا اثر اگلے چند سالوں میں بہت واضح ہو گا ۔ ابھی بھی اگر آپ اپنے اردگرد نظریں دوڑائیں تو پتا نہیں کتنے لوگ ہوں گے جو ہندووں کے مذہبی گیت بڑی خوشی کے ساتھ گنگنا رہے ہوتے ہیں ،اس بات سے بے خبر کے جو وہ گا رہے ہیں اس کا مطلب کیا ہے ۔ایک واقعہ ذہین میں آرہا ہے ، الخیر یونیورسٹی کے ہیڈ آفس میں ہمارے ساتھ ایک سی ڈی اے سے ریٹائرڈ سپرنٹنڈنٹ ہوتے تھے وہ اکثر ایک واقعہ سنا یا کرتے تھے کہ ان کے ایک دوست ایک دفعہ کسی نکاح کی تقریب پہ گے، ان کا پوتا جو چھ سات سال کا ہوگا ساتھ تھا ،جب نکاح ہو چکا ، کھانا کھاچکے تو وہ لوگ واپس آنے لگے تو بچہ ضد کرنے لگا کے اس نے شادی دیکھ کے جانا ہے تو انہوں نے کہا کہ بیٹا شادی ہو چکی ہے پتا ہے کہ بچے نے کیا کہا "بابا ابھی انہوں نے ایک دوسرے کو ہار بھی نہیں پہنائے اور پھرے بھی نہیں لیے پھر کیسے شادی ہوگی ہے "آپ نے بھی ایسے کہیں واقعات دیکھے یا سنے ہوں گے تو شاید آپ نے بھی سوچا ہو کے کیسے انڈین میڈیا بلکہ اب تو پاکستانی میڈیا بھی معصوم ذہنوں میں ہندوانہ رسم و رواج کا بیچ بو رہا ہے مگر ان سب کا ذمہ وار اکیلا میڈیا نہیں بلکہ والدین بھی ہیں ،آپ نے اکثر دیکھا ہو گا کہ اگر کسی کا بچہ یا بچی ڈانس کرے یا کسی کی نقل اتار رہا ہو تو والدین بہت خوش ہوتے، یا اگر بچہ مستی کر رہا ہو یا کوئی شرارت کر رہا ہو تو اس سے کہتے ہیں کہ ٹی وی لگا لو آرام سے ٹی وی دیکھو ، جس سےبچہ سمجھتا ہے کہ ٹی وی کوئی اچھی چیز ہے اس لیے یہاں جو دیکھتا ہے اس کو اپنی زندگی کا حصہ بنانے کی کوشش کرتا ہے ۔

آج معاشرے میں جتنی بھی برائیاں ہیں ان میں سے زیادہ تر کی وجہ ہماری مذہب سے دوری اور مسلم کلچر ( ہندووں کے کلچر کی ملاوٹ سے پاک) سے دوری کا نتیجہ ہے ۔آج ضرورت اس بات کی ہے کہ مسلمان ایک قوم کی حثیت سے اکٹھا ہو کے دو قومی نظریے کو بچائیں کیونکہ ہندووں کا مقصد نہ صرف پاکستان کو برباد کرنا بلکہ یہ بھی ثابت کرنا ہے کہ ہندووں اور پاکستان کے مسلمانوں کی تہذیب میں کوئی فرق نہیں اس کے لیے وہ میڈیا کو استعمال کرتے ہوئے لانگ ٹرم پالیسی پہ عمل کر رہے ہیں اور آہستہ آہستہ پاکستانیوں میں اپنے رسم و رواج کو فروغ دینے میں لگے ہوئے ہیں ان کاکوئی بھی ڈرامہ دیکھ لیں کس طرح وہ اپنے رسموں رواجوں کو تفصیل کے ساتھ پیش کرتے ہیں۔

حکومت کی ذمہ داری بھی بنتی ہے کہ بے شک وہ انڈین میڈیا کو کنٹرول نہیں کر سکتی مگر یہاں کے میڈیا اور کیبل آپریٹرز کے لیے تو ضابطہ اخلاق بنایا جا سکتا ہے اورغیر اخلاقی ، ہندو رسم و راوج کے ترجمان پروگرامز اور غیر قانونی طور پہ چلنے والے چیینلز کو تو بند کیا جا سکتا ہے میری والدین سے بھی گزارش ہے کہ اگر ان کا کھانا انڈین ڈراموں اور فلمیں دیکھے بغیر ہضم نہیں ہوتا تو خدارا اپنے بچوں کو تو اس سے دور رکھیں کیوں کے بچوں تو جو دیکھیں گے وہی سیکھیں گئے، یاد رکھیں اگر آج دو قومی نظریہ کے دفاع کے لیے کچھ نہ کیا گیا اور یہ صرف درسی کتابوں تک محدود رہا تو آنے والی نسلیں ہمارے آباواجداد کا مذاق اڑایا کریں گی کہ وہ ہندووں اور مسلمانوں کے درمیان کون سی ثقافت اور تہذیب و تمدن کے فرق کی بات کرتے تھے ۔
از " محمد یاسر علی "

0 comments:

Post a Comment

Need Your Precious Comments.

Related Posts Plugin for WordPress, Blogger...