Baba Mujh Ko Dar Lagta Hay

Baba Mujh ko Dar Lagta Hay!!!
Baba meri miss ne kaha Hay!!!

Kal se sab School kay bachay
Apney Apney Ghar me rahein gay

Main ne suna hay aik bray se
Kali moonchon walay Uncle
Bomb laganay aaein gay

Bhool gai mein naam Bhala Tha
Shayad Dehshat Gard, kaha tha

Baba!! Kyon marain gay hum ko??
Hum say kia, koi Bhool hui hay??

Hum say kiyon naraz hein Uncle??

Baba unko Gurdia Day Doon ??

Ya phir meri Rango’n wali,
Yad hay na wo Neeli Dibya,

Meri pichli Saalgirah par,
Mujh ko aap ne La ker di thi!!

Or meri who Pyari Poni!!
Red Color ki Titli wali,
Wo Bhi Day Doon ????

Phir to Nahin Marain gay Humko??

Yaad hay Baba aik dafa Jab,
Mujh ko hath pay chot lagi thi,

Boht.... ziada.... dard Hua Tha..
Thora sa... khoon nikla tha,
Boht ziada..... Roi thi mein!!

Kia yeh Bomb bara hota hay??
Bohat Ziada Chot lagay Gi??
Dard Bhi shayad....... Ziada Hoga!!

Baba mujhko Dar Lagta Hay!!!
Baba mujhko Dar Lagta Hay!!!
~~~~***~~~~